Экскурсія "Памятныя мясціны Смаргоні"
Вялікай папулярнасцю сярод навучэнцаў нашай установы карыстаюцца вандроўкі па свайму раёну і за яго межамі. Вось і 10 снежня навучэнцы наведалі горад Смаргонь з мэтай знаёмства з памятнымі мясцінамі. Навучэнцы зацікавіліся мемарыяльным знакам, устаноўленым у гонар 500-годдзя Смаргоні, на якім выбіты верш М.Дуксы:
Твае сляды ў стагоддзях засталіся,
Змагла прайсці праз буры і агонь.
Плыві, квітней і велічна свяціся
На хвалях часу, родная Смаргонь.
Навучэнцы даведаліся, што вуліца П.Балыша названа ў гонар ураджэнца Смаргоншчыны, загінуўшага пры выкананні воінскага доўгу ў Афганістане, наведалі манумент воінам - інтэрнацыялістам Смаргоншчыны, адкрыты ў 2013годзе.
З гісторыяй Смаргоні навучэнцы пазнаёміліся і праз іншыя мемарыяльныя знакі і помнікі, устаноўленыя ў горадзе.
