Экскурсія ў Мірскі замак і г.Навагрудак
30.10.2015 г. навучэнцы нашай установы была арганізавана экскурсія ў Мірскі замак - шэдэўр беларускай архітэктуры, які ўваходзіць у Спіс сусветнай культурнай і прыроднай спадчыны ЮНЕСКА.
Экскурсавод адзначыла цікавы факт: гэта быў першы прыватны замак у ВКЛ. Замак быў збудаваны князем Ільінічам у пачатку XVI ст. на ускраіне мястэчка Мір на месцы драўлянай феадальнай сядзібы. Пасля Ільінічаў амаль 250 гадоў ім валодалі Радзівілы, ў XIX ст. ён перайшоў у валоданне Вітгенштэйнаў, пасля - Святаполк-Мірскіх.
З вышыні вежаў перад намі раскрылася панарама мястэчка Мір. Асабліва ўразіла возера, парк. Таксама мы спускаліся ў сутарэнні замка.
Незабыўныя ўражанні пакінулі і багацце інтэр'ераў палаца: шыкоўныя столі, каляровыя печы, партрэты ўладальнікаў, старажытныя габелены, зброя, кнігі і многае іншае.
А колькі паданняў і легендаў мы пачулі ў час экскурсіі! Пра падземны пераход, пра прыгажуню Стэфанію Радзівіл, пра возера на месцы высечанага яблыневага сада. На паўдневым баку замка можна ўбачыць абярэг - камень, падобны на галаву барана. Існуе легенда, што калі гэты камень зваліцца, то замка не застанецца. Мы ўпэўнены, што той, хто пабываў у Мірскім замку ўпершыню, абавязкова захоча сюды вярнуцца.
Падчас экскурсіі навучэнцы наведалі таксама старажытны г. Навагрудак.
