Сустрэча з пісьменнікам А. Жураўлёвым
У рамках Году малой радзімы ва ўстанове адукацыі адбылася сустрэча са знакамітым земляком нашага Вішнеўскага краю, пісьменнікам Аркадзем Жураўлёвым.
Сустрэча праходзіла ў фармаце дыялога. Навучэнцы задавалі розныя пытанні знакамітаму земляку. Аркадзь Трафімавіч расказаў вучням пра сябе:
аб тым як вучыўся ў школе, пра сваю першую настаўніцу, пра сваё дзяцінства, аб тым як стаў пісьменнікам.
На сустрэчы навучэнцы не толькі слухалі пісьменніка, але падрыхтавалі для шаноўнага госця невялікі канцэрт.
Падтрымаць знакамітага земляка прыйшлі аднакласнікі пісьменніка, якія пражываюць у аг. Вішнева.
На прыканцы мерапрыемства ўсе жадаючыя атрымалі аўтограф ад пісьменніка, а такіх аказалася нямала.
Навучэнцы шчыра дзякавалі Аркадзю Трафімавічу за цікавую пазнавальную бяседу.
Ад сустрэчы засталіся мора станоўчых эмоцый, захапленне і гордасць за такіх людзей, як Аркадзь Трафімавіч Жураўлёў.
Мы ганарымся ім!
